عقب الجفا لا عاد تشرَه على شيّْ
.. لاجابتك الأيام / والا صدفتِك
ولا يجي في خاطرِك شيّْ واشويّْ
.. إن شفتني مرِّيت جمبك و طفتِك
ولا تمدّْ ايديك / لمصافح ايدَّي
.. ولا تضيق ان قلت لك ما عرفتِك
أنا كريم بوصلي وممتلي ضيّْ
... لكن كريم بعوفتي كان عفتِك
كريمٍ بهاذي وهاذي مثِل ذيّْ
.. وانا على مضرب يمينك نصفتك
إن جيتني عطشان بكون لك ميّْ
.. إن رحت عنِّي جرح / جرح ونزفتِك
إن جيتك أبغى فيّْ / ماصرت لي فيّْ
... بكره تبيني فيَّك / ولا إقترفتك
كل هذا لإن الحيّْ بيصادف الحيّْ
.. اختار وصفَك وإزعل إن ما وصفتِك
اذا كذا مادام فلس الجفا ليّْ
.. يا تصرفِه والا تراني صرفتِك
أخاف من يومٍ تجي منكوي كيّْ
.. تبيني أعزف وصلك ولا عزفتِك
وأخاف من يومٍ تجيني من الغيّْ
.. تذرف ادموع اغيابِك / ولا ذرفتِك
وأخاف من قولة مَ اذكرّْك في شيّْ ؟!
.. وأقول ذكرني / أنا وين شفتِك !!؟
---------------------------------------------
كلمات / سعد صالح المطرفي
اداء المنشد : نايف نافع
للمشاهده
آتشرف بِـ آلجميع ☺
تويتر : naif_Alnafa
