شيلة : صدمه تجيك من ابعد الناس تجرحك

.
.
صدمه تجيك من ابعد الناس تجرحك
                يمكن تعديها بحسب الثواني

لاكن لاجتك من اقرب الناس تذبحك
              عشان تنساها تبي عمر ثاني
.
.
ياقلب انا كم لي اعاتبك ونصحك
             واقوللك يا قلب وانت اتعصاني

اتعب على اللي كلما جيت يفرحك
             لاتضيع ايامك ترا العمر فاني
.
.
اللي يبي يخسرك مراح يربحك
             واللي يبي يربحك لجلك يعاني

واللي يبي يسترك مراح يفضحك
         يفضحك من يرضى عليك الهواني
.
.
واللي يبي يشتمك مراح يمدحك
           حتى لو نك مجني تصير جاني

واللي يبي قربك لو ابعدت يسبحك
              حتى لونك بحر مابك مواني
.
.
واللي يبي بعدك لو يدل مطرحك
               ماجك لو كنتم قراب المباني

اتعب على عيون ليا جات تلمحك
              تلمح بنظرتها لقدرك معاني
.
.
ولا تقرب مبعد القلب تلفحك
          هبايب الصدمات سم المحاني

ياقلب ريحني على شان اريحك
         بيت الصحيح ولا بيوت الاماني
.
.

----------------------------------
كلمات / سعد صالح المطرفي
اداء المنشد : نايف نافع


للمشاهده 

https://youtu.be/w9wmHp88Ucw

آتشرف بِـ آلجميع ☺

تويتر :  naif_Alnafa