يا ريح مري بيتها و اذكريني
و جيبي معك من عندها اي تذكار
و ان ما حصل من عندها صبريني
او اسرقي من حوشهم ذرة غبار
يا ريح لو شفتي الغلا طمنيني
وش لونها وش حالها شمعة الدار
هي ساليه او جالسه تحتريني
هي حافظه من خافقي بعض الاشعار
أويتها مثل الاسد في عريني
بوّستها بوس الشجر بايس امطار
زرعتها و اسقيتها من حنيني
راعيتها لين اصبح لحبنا اثمار
انا الطليق اللي سعيدً سجيني
انا الوحيد اللي اشتعل لاجله و ثار
يا ريح عندي لاجلها حاجتيني
و من بعدها ما همني قصف الاعمار
قولي لها عقب البطا تحتريني
و ان مت تنثر حبنا فوق الازهار
و قولي لها ع المقبره لا تجيني
روحي اذا مرت عليّ تشتعل نار
------------------------------------------
كلمات / عادل الشاهين
اداء المنشد : نايف نافع
للاستماع mp3
http://cdn.top4top.net/d_b46fd7de5f3.mp3
http://cdn.top4top.net/d_b46fd7de5f3.mp3
ليست هناك تعليقات:
إرسال تعليق