شيلة : ماهي قضية حب موضوعي اكبر

ماهي قضية حب موضوعي اكبر 
                  انا مع الايام موضوع ثاني 
مدري غرقت شلون وانا على البر 
          وش راح مني وش بقى من اماني 
لاطبت ياقلبي ولاهو غدى الشر 
               برضاك ولا غصب عنك تعاني 
مر الزمان اللي عن انياب كشر 
                   ماعاد خلى للبلابل اغاني 
الى متى واوراق عمري تبعثر 
                بين الرحيل وبين غربة مكاني 
كريم ياحزني يجي منك اكثر 
               بخيل يافرحي وحضي اناني 
اذا اعتزلت الناس قالو تكبر 
             واذا بديت الطيب يخسر رهاني 
العين مخلوقه على شان تسهر 
                والليل جاملها وطوول عشاني 
يذبل زهر واغصان عمري تكسر 
              تعصف بي الونه وتزلزل كياني 
لابارك الله فيك يالحض الاقشر 
             اللي على ضيم الخلايق حداني 
الحلم بعيوني على دمعي ابحر 
                 غادر وخلالي عذاب  المواني 
هذا العمر عدى وهذا هو اسفر 
        عن مقتل احساسي واصابة حناني
----------------------------------
كلمات / عبدالله ابو راس
اداء المنشد : نايف نافع
للاستماع mp3
http://cdn.top4top.net/d_b46a2305801.mp3